සංචාරක ඕස්ට්‍රේලියා කණ්ඩායම සහ ශ්‍රී ලංකා කණ්ඩායම අතර පැවැත්වෙන දෙවන ටෙස්ට් තරගයේ සිව්වන දිනය අද (09) පෙරවරු 10.00ට ආරම්භ වීමට නියමිතව තිබෙනවා.

ඒ ගාල්ල ජාත්‍යන්තර ක්‍රිකට් ක්‍රීඩාංගනයේදීයි.

මේ වන විට සිය දෙවන ඉනිම ක්‍රීඩා කරන ශ්‍රී ලංකා කණ්ඩායම කඩුලු 8ක් දැවී ලකුණු 211ක් රැස් කරගෙන සිටිනවා.

තරගයේ පළමු ඉනිම ක්‍රීඩා කළ ඔවුන්ට සියලු දෙනා දැවී රැස් කටගනීමට හැකි වුණේ ලකුණු 257ක් පමණයි.

කෙසේ වෙතත් ඕස්ට්‍රේලියා කණ්ඩායම සිය පළමු ඉනිම වෙනුවෙන් සියලු දෙනා දැවී 414ක් රැස් කළා.

හිටපු ටෙස්ට් නායක දිමුත් කරුණාරත්න ශ්‍රී ලංකාව වෙනුවෙන් ක්‍රීඩා කරන අවසන් ටෙස්ට් තරගය මෙය වනවා.

කෙසේ වෙතත් දිමුත්ට සිය අවසන් ටෙස්ට් තරගයේදී රැස් කරගැනීමට හැකි වුණේ ලකුණු 50ක් පමණයි.

ඒ අනුව ඕස්ට්‍රේලියා පළමු ඉනිමට වඩා මේ වන විට ශ්‍රී ලංකා කණ්ඩායම කඩුලු 2ක් අතැතිව ලකුණු 54ක් ඉදිරියෙන් සිටිනවා.

(crictimes.lk)