ඕස්ට්‍රේලියා කණ්ඩායම සහ ශ්‍රී ඉන්දීය කණ්ඩායම අතර පැවැත්වෙන 5වන ටෙස්ට් තරගයේ 2වන දිනය අද පැවැත්වුණා.

අද දිනය සඳහා තරගය නතර කරන විට සිය දෙවන ඉනිම ක්‍රීඩා කරන ඉන්දීය කණ්ඩායම කඩුලු 6ක් දැවී ලකුණු 141ක් රැස් කැරගෙන සිටියා.

මෙම තරගයේ පළමු ඉනිම ක්‍රීඩා කළ ඉන්දියාව සියලුදෙනා දැවී ලකුණු 185ක් රැස් කළා.

ඕස්ට්‍රේලියා කණ්ඩායමටද සිය පළමු ඉනිමේදී සියලුදෙන දැවී රැස් කර ගැනීමට හැකි වුණේ ලකුණු 181ක් පමණයි.

ඒ අනුව මේ වන විට ඉන්දීය කණ්ඩායම ඕස්ට්‍රේලියා පළමු ඉනිමට වඩා ලකුණු 145ක් ඉදිරියෙන් සිටිනවා.

කෙසේ වෙතත් තරගයේ මේ වන විට පවතින තත්ත්වය සමඟ මෙම තරගය ජයග්‍රහණය කිරීමේ වැඩි අවස්ථාවක් තිබෙන්නේ ඕස්ට්‍රේලියා කණ්ඩායමටයි.

ඕස්ට්‍රේලියා කණ්ඩායම මෙම තරගය ජයග්‍රහණය කළහොත් ශ්‍රී ලංකා කණ්ඩායමේ ලෝක ටෙස්ට් ශූරතාවලියේ අවසන් මහා තරගය සුදුසුකම් ලබා ගැනීමට ඇති සියලු බලාපොරොත්තු අවසන් වනවා.

මෙම තරගයේ තෙවන දිනය හෙට (05) මෙරට වේලාවෙන් පෙරවරු 5.00ට ආරම්භ වීමට නියමිතයි.



(crictimes.lk)