ඉන්දීය ක්‍රිකට් ක්‍රීඩක විරාත් කෝලි වසර 12කට පසු ඉන්දිවේ ප්‍රමුඛතම පළමු පෙල තරගාවලිය වන රංජි කුසලාන තරගාවලිය සඳහා නැවත පැමිණ තිබෙනවා.

එහිදී ඔහු දිල්ලි කණ්ඩායම නියෝජනය කරමින් Railways කණ්ඩායමට එරෙහිව අද (30) තරග බිමට පිවිස ඇති බවයි වාර්තා වන්නේ.

විදෙස් මාධ්‍ය වාර්තා කළේ ඒ හේතුවෙන් දහස් සංඛ්‍යාත ක්‍රිකට් ප්‍රේක්ෂකයන් ඉන්දීය අගනුවර වන දිල්ලි නුවර අරුන් ජෙට්ලි ක්‍රීඩාංගණය වෙත පැමිණි බවයි.

ඕස්ට්‍රේලියාවට එරෙහිව පැවති  බෝඩර්-ගවස්කර් කුසලානය 3-1ක් ලෙස පරාජයවීමෙන් පසු ගිවිසුම්ගත ක්‍රීඩකයන්ට දේශීය ක්‍රිකට් ක්‍රීඩා කිරීමට ජාතික ක්‍රිකට් මණ්ඩලය අනිවාර්ය කිරීමට තීරණය කළා.

කෝලි නැවත දේශීය ක්‍රිකට් පිටියට පැමිණියේ ඒ අනුවයි.