දකුණු අප්‍රිකා කණ්ඩායමට 2025 ශූරයන්ගේ කුසලානයේ අවසන් මහා තරගයට සුදුසුකම් ලබා ගැනීමට නොහැකි වුණා.

ඒ තරගාවලියේ දෙවන අවසන් පූර්ව තරගයේදී ඔවුන් නවසීලන්තය හමුවේ පරාජයට පත්වීමත් සමඟයි.

ඔවුන් ශූරයන්ගේ කුසලාන ඉතිහාසයේ අවසන් පූර්ව වටයෙන් ඉවත් වූ 5වන අවස්ථාව මෙය ලෙසයි වාර්තා වන්නේ.

1998 වසරේ පැවති පළමු ශූරයන්ගේ කුසලානය දකුණු අප්‍රිකාව ජයග්‍රහණය කර තිබෙනවා.

ශූරයන්ගේ කුසලාන ඉතිහාසයේ ඔවුන් මූලික වටයෙන්ම ඉවත්වී තිබෙන්නේ අවස්ථා 3කදී පමණයි.

ඔවුන් 2000, 2002, 2006, 2013 සහ 2025 යන වර්ෂවලදී පැවති ශූරයන්ගේ කුසලානවල අවසන් පූර්ව වටයට සුදුසුකම් ලබා තිබෙනවා.

එමෙන්ම අප්‍රිකාව ශූරයන්ගේ කුසලාන ඉතිහාසයේ මූලික වටයෙන්ම ඉවත්වී තිබෙන්නේ 2004, 2009 සහ 2017 වසරවලදීයි.



(crictimes.lk)