2025 ශූරයන්ගේ කුසලාන ක්‍රිකට් තරගාවලිය ලබන 19වනදා ආරම්භ වනවා.

ඒ පාකිස්ථානයේදී සහ ඩුබායිහීදීයි.

මෙම කුසලාන තරගාවලිය බොහෝ කණ්ඩායම්වල ක්‍රීඩකයන් රැසකට අහිමි වී තිබෙනවා.

ඒ ඔවුන් ආබාධවලට ලක්වීම හේතුවෙන් සහ පෞද්ගලික හේතූන් මතයි.

ඒ අනුව අබාධයකට ලක්වීම හේතුවෙන් ඇෆ්ගනිස්ථානයේ AM Ghazanfar එහි සංචිතයෙන් ඉවත්කර තිබෙනවා.

එමෙන්ම ඕස්ට්‍රේලියාවේ පැට් කමින්ස්ට, මිචෙල් මාෂ්ට, සහ ජොෂ් හේසල්වුඩ්ට ශූරයන්ගේ කුසලානය අහිමි වී ඇති බවයි වාර්තා වන්නේ.

ඒ ඔවුන් ආබාධවලට ලක්වීම හේතුවෙන්.

එමෙන්ම එම කණ්ඩායමේ මිචෙල් ස්ටාර්ක් පුද්ගලික හේතූන් මත තරගාවලියෙන් ඉවත්වී තිබෙනවා.

මේ අතර මාකස් ස්ටොයිනිස් එක්දින ජාත්‍යන්තර ක්‍රීඩා පිරිපිටියෙන් ඉවත්වීම හේතුවෙන් මෙම තරගාවලියට ක්‍රීඩා නොකරන බවයි වාර්තා වන්නේ.

එමෙන්ම එංගලන්තය ක්‍රීඩක ජේකබ් බෙතෙල්දට මෙම තරගාවලිය අහිමි වී තිබෙනවා.

ඒ එංගලන්තයේ ඉන්දියානු සංචාරයේදී ඔහු මාංශ පේශි ආබාධයකට ලක්වීම හේතුවෙන්.

මේ අතර ඔස්ට්‍රේලියාවට එරෙහිව පැවති ටෙස්ට් තරගාවලියේදී ආභාධයකට ලක්වීම හේතුවෙන් ඉන්දීය කණ්ඩායමේ ජස්ප්‍රිත් බුම්රාට 2025 ශූරයන්ගේ කුසලානය අහිමි වී තිබෙනවා.

නවසීලන්ත ක්‍රීඩක  ලොකී ෆර්ගියුසන් පසුගියදා ILT20 තරගාවලියේදී ආබාධයකට ලක්වුණා.

ඒ හේතුවෙන් ඔහුට මෙම තරගාවලිය ඔහුට අහිමි වනවා.  

එමෙන්ම පාකිස්ථානයට එරෙහිව පැවති තරගයකදී රචින් රවීන්ද්‍ රපන්දුවක් වැදී ආබාධ වූ අතර ඔහුටද එම ශූරයන්ගේ කුසලානය අහිමි වීමට ඉඩ ඇති බවයි වාර්තා වන්නේ.

පාකිස්ථානයේ හරිස් රවුෆ්ගේ සහ දකුණු අප්‍රිකාවේ ඇන්රිච් නෝර්ට්ජේද අබාධ හේතුවෙන් ශූරයන්ගේ තරගාවලිනේ ඉවත් වුණා.

ඇන්රිච් නෝර්ට්ජේ වෙනුවට ජෙරල්ඩ් කෝට්සි සංචිතයට එක් කිරීමට නියමිතව තිබුණද ඔහුද අනතුරුව අබාධයකට ලක්වී තිබෙනවා.

(crictimes.lk)