ශ්‍රී ලංකාවේ හිටපු ටෙස්ට් නායක දිමුත් කරුණාරත්න ටෙස්ට් පිටියෙන් සමුගැනීමට තීරණය කර තිබෙනවා.

ඒ අනුව අනිද්දා ඕස්ට්‍රේලියාවට එරෙහිව ආරම්භ වන ටෙස්ට් තරගය ඔහුගේ අවසන් ටෙස්ට් තරගය බවයි වාර්තා වන්නේ.

මේ සම්බන්ධයෙන් හිටපු ක්‍රිකට් ක්‍රීඩක ලසිත් මාලිංග අදහස් පළ කළා.

එහිදී ඔහු ප්‍රේක්ෂකයන්ගෙන් ඉල්ලා සිටියේ දිමුත්ගේ අවසන් ටෙස්ට් තරගයට නැරඹීම සඳහා එක්වන ලෙසයි.

එමෙන්ම අවසන් තරගයේදී දිමුත් කරුණාරත්න අර්ධ ශතකයක් වාර්තා කරනු ඇතැයි තමන් බලාපොරොත්තු වන බවද මාලිංග සඳහන් කළා.

ඔහු වැඩිදුරටත් කියා සිටියේ දිමුත් කරුණාරත්න ටෙස්ට් පිරියෙන් සමු ගන්නේ ඔහුගේ හොඳම කාලයේ බවයි.