ශ්‍රී ලංකා ක්‍රිකට් ආයතනය විසින් ක්‍රිකට් ක්‍රීඩක දසුන් ශානකට ඇමරිකානු ඩොලර් 10,000ක දඩයක් නියම කර තිබෙනවා.

ඒ කොන්ත්‍රාත් බැඳීම් කඩකිරීමක් සම්බන්ධයෙන්.

ක්‍රිකට් ආයතනය සඳහන් කළේ පසුගිය 02වනදා පැවති දේශීය තරගයකසි ඇති වූ ආබාධයක් හේතුවෙන් දසුන් ශානක දින තුනක නිවාඩුවක් ඉල්ලා සිටි නමුත් එම කාලය තුළ ඩුබායිහි පැවති විදේශීය ෆ්‍රැන්චයිස් ලීග් තරගයකට සහභාගී වූ බවයි.

දසුන් ශානකගේ ක්‍රියාවන් කොන්ත්‍රාත් බැඳීම් කඩකිරීමක් බව විධායක කමිටුව තීරණය කර ඇති බවයි වාර්තා වන්නේ.

ඒ අනුව විනය පියවරක් ලෙස ඇමරිකානු ඩොලර් 10,000ක දඩයක් පැනවීමට ශ්‍රී ලංකා ක්‍රිකට් විධායක කමිටුව තීරණය කර ඇති අතර 2025 පෙබරවාරි 28 හෝ ඊට පෙර දඩය පියවන ලෙස ක්‍රිකට් ක්‍රීඩකයාට උපදෙස් දී තිබෙනවා.