ශ්‍රී ලංකා ක්‍රිකට් නායිකා චමරි අතපත්තුට මෙම දිනවල ඉන්දියාවේ පැවැත්වෙන කාන්තා ප්‍රිමියර් ලීග් (WPL) ක්‍රිකට් තරගාවලියේ අවසන් තරග කිහිපය ක්‍රීඩා කිරීමේ අවස්ථාව අහිමි වී තිබෙනවා.

ඒ මාර්තු 4වනදා සිට ආරම්භ වන ශ්‍රී ලංකා කණ්ඩායමේ නවසීලන්ත තරග සංචාරයට ඇය එක්වීම හේතුවෙන්.

WPL තරගාවලියේදී චමරි ක්‍රීඩා කරනු ලබන්නේ UP Warriorz කණ්ඩායම වෙනුවෙන්.

ශ්‍රී ලංකා කණ්ඩායමේ නවසීලන්ත තරග සංචාරයේදී දෙරට අතර එක්දින තරග 3ක් හා විස්සයි 20 තරග 3ක් පැවැත්වීමට නියමිතයි.

ඒ සඳහා ශ්‍රී ලංකා ක්‍රීඩිකාවන් ලබන 22වනදා දිවයිනෙන් පිටත්ව යාමට නියමිතව තිබෙනවා.