2025 ශූරයන්ගේ කුසලාන ක්රිකට් තරගාවලියේ මූලික වටයේ සියලු තරග මේ වන විට අවසන් වී තිබෙනවා.
එහිදී ඉන්දියාව, නවසීලන්තය, ඕස්ට්රේලියාව සහ දකුණු අප්රිකාව අවසන් පූර්ව වටය සඳහා සුදුසුකම් ලබාගත්තා.
මේ වන විට තරගාවලියේ වැඩිම ලකුණු ලාභින්ගේ නම් ලැයිස්තුවේ පළමු ස්ථාන 2ම හිමි කරගැනීමට තරගාවලියේ මූලික වටයෙන්ම ඉවත් වූ එංගලන්ත කණ්ඩායමේ ක්රීඩකයන් දෙදෙනෙක්ට හැකිවී තිබෙනවා.
ඒ අනුව බෙන් ඩකට් එහි පෙරමුණ හිමි කරගෙන තිබෙන්නේ තරග 3කදී ලකුණු 227ක් ලබා ගනිමින්.
එමෙන්ම එහි දෙවන ස්ථානය ලකුණු 225ක් ලබාගත් ජෝ රූට් හිමි කරගෙන තිබෙනවා.
මෙහි තුන්වන ස්ථානය හිමි කරගෙන තිබෙන්නේ ඇෆ්ගනිස්ථානයේ ඉබ්රහීම් සද්රාන් විසින්.
ඒ ඔහු ක්රීඩා කළ තරග 3කදී ලකුණු 216ක් ලබා ගනිමින්.
එමෙන්ම සිව්වන ස්ථානය නවසීලන්තයේ ටොම් ලැතම් ලකුණු 187ක් ලබා ගනිමින් සහ 5වන ස්ථානය ඉන්දියාවේ ශියාස් අයියර් ලකුණු 150ක් ලබා ගනිමින් හිමි කරගෙන තිබෙනවා.
(crictimes.lk)