2025 ශූරයන්ගේ කුසලාන ක්රිකට් තරගාවලියේ මූලික වටයෙන්ම ඉවත්වීමට ප්රබල එංගලන්ත කණ්ඩායමට ඊයේ (26) සිදුවුණා.
ඒ ඔවුන් මූලික වටයේ ක්රීඩා කළ දෙවන තරගය ඇෆ්ගනිස්ථානය හමුවේ ලකුණු 8කින් පරාජයට පත්වීමත් සමඟයි.
මෙම තරගාවලියේ ඔවුන් ක්රීඩා කළ පළමු තරගයද ඔස්ට්රේලියාව හමුවේ පරාජයට පත්වුණා.
ඒ අනුව එංගලන්ත කණ්ඩායමට මෙහි මූලික වටයෙන්ම ඉවත්වීමට සිදුවන බව ජාත්යන්තර ක්රිකට් කවුන්සිලය නිවේදනය කළා.
මෙම තරගයේ පළමුව පන්දුවට පහරදුන් ඇෆ්ගනිස්ථාන කණ්ඩායම නියමිත පන්දුවාර 50 අවසානයේ කඩුලු 7ක් දැවී ලකුණු 325ක දැවැන්ත ලකුණු පුවරුවක් නිර්මාණය කිරීමට සමත්වුණා.
එහිදී ඉබ්රහීම් සද්රාන් ලකුණු 177ක් රැස් කළා.
පිළිතුරු ඉනිම ක්රීඩා කළ එංගලන්ත කණ්ඩායමට පන්දුවාර 49යි පන්දු 5ක් අවසානයේ සියලුදෙනා දැවී රැස් කරගැනීමට හැකි වුණේ ලකුණු 317ක් පමණයි.
මෙම තරගයේ ලකුණු පුවරුව පහතින්,
(crictimes.lk)