05 April 2025


ඕස්ට්‍රේලියාව තවත් එක්දින තරගයක් ඉල්ලයි



ඕස්ට්‍රේලියා කණ්ඩායමේ ඉදිරි ශ්‍රී ලංකා තරග සංචාරයේ කාලසටහන සංශෝධනය කරන ලෙස ඔස්ට්‍රේලියාව ශ්‍රී ලංකා ක්‍රිකට් ආයතනයෙන් ඉල්ලා තිබෙනවා.

ඒ අනුව ශ්‍රී ලංකාවට එරෙහිව එක්දින තරගයක් ක්‍රීඩා කිරීමට නියමිතව සිටි ඕස්ට්‍රේලියාව තවත් එක්දින තරගයක් ඉල්ලා ඇති බවයි වාර්තා වන්නේ.

දෙරට අතර මේ සම්බන්ධයෙන් එකඟතාවයක් ඇති වුවහොත් ඕස්ට්‍රේලියා කණ්ඩායමේ ශ්‍රී ලංකා සංචාරයේදී එක්දින තරග 2ක් පැවැත්වීමට නියමිතයි.

පෙර කාලසටහනට අනුව හම්බන්තොට සූරියවැව ක්‍රිකට් ක්‍රීඩාංගනයේ එක් එක්දින තරගයක් පමණක් ක්‍රීඩා කිරීමට සැලසුම් කර තිබෙනවා.

මේ සම්බන්ධයෙන් නිශ්චිත තොරතුරු අනාවරණය වී නොමැති වුවත් ඉදිරි දින දෙක තුළ මේ පිළිබඳව අවසන් තීරණයක් ගන්නා බව ශ්‍රී ලංකා ක්‍රිකට් ආරංචි මාර්ග සඳහන් කළා.

ඕස්ට්‍රේලියා කණ්ඩායමේ ශ්‍රී ලංකා සංචාරයේදී ටෙස්ට් තරග 2ක්ද ක්‍රීඩා කිරීමට නියමිතව තිබෙනවා.

(crictimes.lk)