ICC ලෝක ටෙස්ට් ශූරතාවලියේ අවසන් මහා තරගයට සුදුසුකම් ලබා ගැනීමට ඕස්ට්‍රේලියා කණ්ඩායම අද (05) සමත්වුණා.

ඒ ඉන්දියාවට එරෙහිව පැවති අවසන් ටෙස්ට් තරගය ඕස්ට්‍රේලියාව කඩුලු 6කින් ජයග්‍රහණය කිරීමත් සමඟයි.

මෙම තරගයේ පළමුව පන්දුවට පහර දුන් ඉන්දියාව ලකුණු 185ක් රැස් කල අතර ඕස්ටේලියාව සිය පළමු ඉනිම සඳහා ලකුණු 181ක් රැස් කළා.

ඉන්දීය කණ්ඩායමට සිය දෙවන ඉනිමේදී සියලුදෙනා දැවී රැස් කර ගැනීමට හැකි 157ක් පමණයි.

ඒ අනුව මෙම තරගය ජයග්‍රහණය කිරීම සඳහා ඕස්ටේලියා කණ්ඩායමට සිය දෙවන ඉනිමේදී ලකුණු 162ක පහසු ඉලක්කයක් හිමි වුණා.

එම ඉලක්කය හඹා ගිය ඔස්ට්‍රේලියාව කඩුලු 4ක් පමණක් දැවී තරගය ජයග්‍රහණ කළා.

එමෙන්ම දෙරට අතර පැවති තරග 5කින් සමන්විත ටෙස්ට් තරගාවලියේ ජය තරග 3 - 1ක් ලෙස ඕස්ට්‍රේලියා කණ්ඩායමට හිමිවුණා.

ඒ අනුව ICC ලෝක ටෙස්ට් ශූරතාවලියේ අවසන් මහා තරගය ඕස්ට්‍රේලියාව සහ දකුණු අප්‍රිකාව අතර එළඹෙන ජුනි මාසයේදී පැවැත්වීමට නියමිතව තිබෙනවා.

(crictimes.lk)