ඕස්ට්‍රේලියා ක්‍රිකට් කණ්ඩායම 2000 වසරින් පසු ආසියාවේදී ටෙස්ට් ඉනිමක රැස් කළ ඉහළම ලකුණු සංඛ්‍යාව රැස් කිරීමට අද (30) සමත්වුණා.

ඒ ශ්‍රී ලංකාවට එරෙහිව මේ වන විට පැවැත්වෙන පළමු ටෙස්ට් තරගයේදීයි.

ඕස්ට්‍රේලියා කණ්ඩායම ආසියාවේදී ටෙස්ට් ඉනිමක රැස් කළ ඉහළම ලකුණු සංඛ්‍යාව වාර්තා කළේ 2022 වසරේ පාකිස්ථානයේදීයි.

එහිදී ඔවුන් කඩුලු 4ක් දැවී ලකුණු 582ක් රැස් කළා.

කෙසේ වෙතත් අද එම ලකුණු සංඛ්‍යාව ඉක්මවා යමින් එම වාර්තාව අලුත් කිරීමට ඕස්ට්‍රේලියා කණ්ඩායම සමත්වුණා.

දෙවන දිනයේ තේ පානය සඳහා තරගය මේ වන විට නතර කර තිබෙනවා.

එහිදී ඔවුන් සිය පළමු ඉනිම සඳහා කඩුලු 5ක් 5ක් දැවී ලකුණු 600ක් රැස් කරගෙන සිටිනවා.



(crictimes.lk)