ඕස්ට්‍රේලියා කණ්ඩායම සහ ඉන්දීය කණ්ඩායම අතර පැවැත්වෙන 5වන සහ අවසන් ටෙස්ට් තරගය අද (03) ආරම්භ වුණා.

අද දිනය සඳහා තරගය නතර කරන විට සිය පළමු ඉනිම ක්‍රීඩා කරන ඕස්ට්‍රේලියා කණ්ඩායම එක් කඩුල්ලක් දැවී රැස් කරගෙන සිටි ලකුණු සංඛ්‍යාව 9ක්.

තරගයේ කාසියේ වාසිය ජයග්‍රහණය කළ ඉන්දියාව පළමුව පන්දුවට පහර දීමට තීරණය කළ අතර ඔවුන්ට එහිදී සියලු දෙනා දැවී රැස් කර ගැනීමට හැකි වුනේ ලකුණු 185ක් පමණයි.

මෙම තරගය ලෝක ටෙස්ට් ශූරතාවලියේ අවසන් මහා තරගයට ඉතාමත් තීරණාත්මක තරගයක් වනවා.

ඒ අනුව මෙම තරගය ඕස්ට්‍රේලියාව ජයග්‍රහණය කළහොත් ඔවුන් දකුණු අප්‍රිකාව සමඟ ටෙස්ට් ශූරතාවලියේ අවසන් මහා තරගයට ක්‍රීඩා කිරීමට සුදුසුකම් ලබා ගන්නවා.

කෙසේ වෙතත් ශ්‍රී ලංකා කණ්ඩායමට ඒ සඳහා සුදුසුකම් ලබා ගැනීමට නම් මෙම තරගය අනිවාර්යෙන්ම ජය පරාජයෙන් තොරව අවසන් විය යුතුයි.

(crictimes.lk)