2025 ඉන්ටර්නැෂනල් මාස්ටර් ලීග් තරගාවලිය ඊයේ (22) ආරම්භ වුණා.

එහි පළමු තරගය පැවැත්වුණේ ශ්‍රී ලංකා කණ්ඩායම සහ ඉන්දීය කණ්ඩායම අතරයි.

ශ්‍රී ලංකා කණ්ඩායමේ නායකත්වය කුමාර් සංගක්කාරට සහ ඉන්දීය කණ්ඩායමේ නායකත්වය සචින් තෙන්ඩුල්කාර්ටත් හිමිවුණා.

මෙම තරගයේ පළමුව පන්දුවට පහර දුන් ඉන්දීය කණ්ඩායම නියමිත පන්දුවාර 20 අවසානයේ  කඩුලු 4ක් පමණක් දැවී ලකුණු 222ක දැවැන්ත ලකුණු පුවරුවක් නිර්මාණය කළා.

ලකුණු 223ක දැවැන්ත ඉලක්කයක හඹා ගිය ශ්‍රී ලංකා කණ්ඩායමට නියමිත පන්දුවාර 20 අවසානයේ කඩුලු 9ක් දැවී රැස් කර ගැනීමට හැකි වුණේ ලකුණු 218ක් පමණයි.

ඒ අනුව මෙම තරගය ලකුණු 4කින් අවාසනාවන්ත ලෙස පරාජයට පත්වීමට ශ්‍රී ලංකා කණ්ඩායමට සිදුවුණා.

එහිදී විශිෂ්ට ඉනිමක් ක්‍රීඩා කළ කුමාර් සංගක්කාර පන්දු 30කින් ලකුණු 51ක් රැස් කළා.

එමෙන්ම ජීවන් මෙන්ඩිස් පන්දු  17කින් ලකුණු 42ක් රැස් කිරීමට සමත් වුණා.



(colombotimes.lk)