2025 ICC 19න් පහළ කාන්තා T20 ලෝක කුසලානයේ ශ්‍රී ලංකාව සහභාගී වන දෙවන තරගය අද (21) පැවැත්වුණා.

ඒ බටහිර ඉන්දීය කොදෙව් කණ්ඩායමට එරෙහිවයි.

එහිදී තරගයේ පළමු ඉනිම ක්‍රීඩා කළ ශ්‍රී ලංකා ක්‍රීඩිකාවන් නියමිත පන්දුවාර 20 අවසානයේ කඩුලු 5ක් දැවී ලකුණු 166ක් රැස් කළා.

ලකුණු 167ක ඉලක්කයක් හඹා ගිය බටහිර ඉන්දීය කොදෙව් ක්‍රීඩිකාවන්ට පන්දුවාර 19යි පන්දු 4ක් අවසානයේ සියලුදෙනා දැවී රැස් කර ගැනීමට හැකි වුණේ ලකුණු 85ක් පමණයි.

ඒ අනුව මෙම තරගය ලකුණු 81කින් ජයග්‍රහණය කිරීමට ශ්‍රී ලංකා කණ්ඩායම සමත්වුණා.

මෙම ජයත් සමඟ 2025 ICC 19න් පහළ කාන්තා T20 ලෝක කුසලානයේ A කාණ්ඩයේ පෙරමුණ ශ්‍රී ලංකාව හිමි කරගෙන සිටිනවා.




(crictimes.lk)